Bat dil me jo hai, sochta hu keh du tumko,
Dar bas itna hai ki, tumko kahi yakin na ho ♥

kyu gumsum se ho, mayus kyu lagte ho .......
keh do dil ki baate, tabiyat badal jayegi

baithe raho mere pehlu me,
mai kehta rahu, tum sunti raho ..
tum mujhe dekho, mai tumhe dekhu
 aur ye din dhalta rahe

duba rehne do mujhko uski hi aankho me,
nasha mohabbat ka mujhe bha gaya hai

Yad hai,
Mai likhta tha naam tera ret par,
Aur sagar ki lahre ek pal me mita jati thi.
Kash! Sagar ki koi lahar aaj bhi uthati aur mita jati nam tumhara mere dil se,
Ya to fir mujhko mita jati.

Arse bit jate hain khwab ko haqiqat banane me,

do pal bhi to nahi lagte ise tutke bikhar jane me

Khule rakhe hain ghar ke darwaje,
Ye sochke ki tum na jane kab laut aao

Tumhare naam ki lakir agar mere hath me nahi,
To khinch leta hu lakire tere naam ki, apne hatho me

Deewane ke pyar me deewangi itni ho,
Ki tu deewane bane sirf mere nam ka !

Dur hoke bhi dil rehta tere pass hai,
Tum pass hoti to qyamat hoti ♥