Bahut sari baatein karni hai aye jindagi

Kisi sham 2-4 pal mere naam to kar

Mai na puchhunga ....
Jab tumhe ehshash hone lage,
Mohabbat hone si feeling hone lage,
Mujhe batana
Dono milke celebrate karenge....
Thik hai na?

Haan, jaruri nahi milke batao,
Call kar lena,
Aur agar jaldi ho WhatsApp kar dena. ..
Dono milke celebrate karenge ...
Thik hai na?
Aane me ho jaye der agar,
Tum gussa jarur hona
Par jab Mai manau to man bhi jana
Bhet karunga tumko ek pyara sa tohfa. ..
Thik hai na?

Dono milke celebrate karenge...
Thik hai na?

Tumhe yaad hai hamari wo aakhiri mulakat,
Baho me bhar liya tha tumko ...
Aankhe bhi jaise jharna ban baithi thi..
Kahan chahta tha Mai ki tum meri baho se dur ho jao. ... Itni dur ho jao...
Shayad upar wale ne yahi likh rakha tha...
Hamare liye

Haan dur ho gaye. ..hum tum
... Bahut dur. ......
Par aaj bhi tum meri yaado me .. meri sanso me har pal rehti ho

Aaj bhi mujhe sirf tumse pyar hai. .....

Kal raat aayi thi tum mere Sapne me,

Par Khamosh kyu thi ....

Shayad naraz ho Mujhse.

Par maine sorry bhi to bola tha ...

   Fir bhi tum ek sabd bhi nahi boli,

   Achsha nahi tha tumhara yu gumsum lautna.

    Aaj fir aankhe band karte hi tum Sapne me aana,

Rok lunga tumko, Jane na dunga.

Ji chahta hai Ki keh du dil-e-halat, 

Tu fir bhi na samjhi to musibat hogi.

Nayno se madira pine de, thora sa hosh mujhe khone de
Ji lu 2 pal Mai bhi, khush bas itna mujhe bhi hone de

To kya mai ye kahu ki mai tumse mohabbat karta hu,
Ya tum samajh loge meri khamoshiyo ko

yu to kuchh chahiyea bhi nahi, is jamane se .....
 de sako to apni wafaye de dena

Aao chirke dikha du mai tumhe dil apna, 
tum rehte ho yahi har ghari

Karke mohabbat mujhse,
Mujhko bhi mashhur kar do !

jab hasti ho tum yu bekhabar, to julfe bikhar jati hain tumhare chehre par
aur tum aur bhi sundar dikhte ho, lagta hai jaise badal ne dhak liya hai chand ko

hum to ek pal bhi tumko na bhul paye .... 
kabhi tum yaad aaye, kabhi tumhari baatein yaad aayi

Ishq me do martava bhuchal aata hai
Jab dil mil jata hai, aur jab dil tut jata hai

Jindagi ke do pal bhi Kam nahi,
Agar sath tum ho

juba pe aate-aate reh jati hai, mere dil ki baatein ....
kar sako to ehshasho me mehsus kar lena

dekh lu mai aakhiri bar ji bhar ke tumhe,
pata nahi fir hum mile na mile

Aankh khuli to laga jaise ki tum samne ho,
Kar lene ko aalingan barh gayi bahe,
Par tumhara hona ek bhram tha,
Bhram hamare rishte ki tarah, Jo hai bhi aur nahi bhi

Aao saja du tumhari aankho me aaj koi sapna,
Tum rani ban jao, mai raja ban Jaun.
Sama jao fir ek bar meri baho me,
Kho jaun ek bar fir SE mai tumhari sanso me
Fir usi jheel ke kinare gaye hum tum pyar ka nagma,,
Aao saja du tumhari aankho me aaj koi sapna,
Tum rani ban jao, mai raja ban Jaun.

Tum se Jo bichhar jayenge, hum mar jayenge.
Sach kehte hain hum, tutke bikhar jayenge, 
hum mar jayenge,
Tum se Jo bichhar jayenge

baya nahi ho sakta meri mohabbat kisi sabdo me,
pass baitho to nazaro se baya kar du.